ئەمڕۆ بە فەرمی پڕۆسەی وەرگرتنی بەرهەمی گەنمی جووتیارانی هەرێمی کوردستان بۆ ساڵی 2026 دەستی پێ کرد. بەپێی پلانەکان، بۆ ئەمساڵ بڕی 400,000 تەن گەنم لە جووتیاران وەردەگیرێت و پڕۆسەکە بە چەند قۆناغ و نرخێکی جیاواز بەڕێوە دەچێت.
بەپێی ڕێنماییەکانی وەزارەتی بازرگانی و پیشەسازی، وەرگرتنی گەنم بەم شێوەیەی خوارەوە پۆلێن کراوە:
1- لە چوارچێوەی پلاندا: بڕی 292,000 تەن گەنم بە نرخی 700,000 دینار بۆ هەر تەنێک
وەردەگیرێت.
2- لە دەرەوەی پلاندا: بڕی 108,000 تەن گەنم بە نرخی 500,000 دینار بۆ هەر تەنێک
وەردەگیرێت.
دابەشبوونی بڕی گەنم بەسەر پارێزگاکاندا: بڕی وەرگیراوی گەنم بەپێی پارێزگاکان بەم شێوەیە دیاری کراوە:
- سلێمانی: 150,209 تەن.
- هەولێر: 122,680 تەن.
- دهۆک: 116,083 تەن.
- هەڵەبجە: 11,028 تەن.
