محەمەد باقڕ قاليباف، سەرۆکی پەرلەمانی ئێران (ئەنجومەنی شوورا)، ڕایگەیاند کە ئەمریکا "هەوڵ بۆ دەستپێکردنی جەنگێکی نوێ" دژی ئێران دەدات و دەیەوێت تاران لەو ڕووبەڕووبوونەوەیەی کە چەند مانگێکە دەستی پێکردووە، تەسلیم ببێت.
قاليباف کە سەرۆکایەتی شاندی وڵاتەکەی کردبوو لە خولی وتووێژەکانی مانگی ڕابردووی نێوان تاران و واشنتن لە ئیسلام ئاباد، ئاماژەی بەوە کرد: "جوڵەکانی دوژمن، چ ئەوانەی ئاشکران و چ ئەوانەی نهێنین، دەریدەخەن کە سەرەڕای فشارە ئابووری و سیاسییەکان، هێشتا دەستبەرداری ئامانجە سەربازییەکانیان نەبوون و هەوڵی هەڵگیرساندنی جەنگێکی نوێ دەدەن."
هەروەها لە پەیامێکی دەنگیدا کە میدیاکانی ئێران بڵاویانکردەوە، سەرۆکی پەرلەمانی ئێران وتی: "بەدواداچوونی ورد بۆ بارودۆخی ناو ئەمریکا ئەو ئەگەرە بەهێزتر دەکات کە ئەوان هێشتا هیوایان بە تەسلیمبوونی گەلی ئێران هەیە."
