بەھۆی ئەوەی لەکاتی مەراسیمی دەستپێکی ساڵی نوێی خوێندن ئاڵای کوردستان بەرزکراوەتەوە و سرودی نیشتیمانیی ئەی رەقیب گوتراوەتەوە و گوایە ئاڵای عێراق ھەڵنەکراوە و سرودی نیشتیمانی عێراق درەنگ گوتراوەتەوە، قایمقامی خورماتوو سکاڵای یاسایی لەسەر بەڕێوەبەری قوتابخانەی مەولەوی تۆمارکرد
زەینەب عادل بەڕێوەبەری قوتابخانەکە کە لەنەتەوەی تورکمانە دەڵێت ئەوەی من ئەنجامم داوە نایاسایی نەبووە و بەڵکو دەستور رێگەی داوە و ئێمە لەخورماتوو جیاوازی ناکەین لەنێوان نەتەوەکاندا و قوتابخانە شوێنی جیاوازیی نەتەوەیی نییە و شوێنی پەروەردەیە. گوتیشی سبەی دەڕۆمە بەڕێوەبەرایەتیی پەروەردە و بۆ ھەر رێکارێک ئامادەم.
