سەرۆک بارزانی سەرەخۆشی لە سەرۆکی بەرەی تورکمانی دەکات

سەرۆک مەسعود بارزانی، لە پەیامێکی سەرەخۆشیدا بۆ محەمەد سەمعان کەنعان، سەرۆکی بەرەی تورکمانیی عێراقی، هاوخەمیی خۆی بۆ کۆچی دوایی باوکی دەربڕی و هیواشی خواست خوای گەورە سەبووری و دڵنەوایی بە بنەماڵەکەیان ببەخشێت.

دەقی پەیامی سەرەخۆشی سەرۆک بارزانی:

بەناوی خوای بەخشندە و میهرەبان

بەڕێز محەمەد سەمعان کەنعان، سەرۆکی بەرەی تورکمانیی عێراقی بەداخ و پەژارەیەکی زۆرەوە هەواڵی کۆچی دوایی باوکی بەڕێزتانمان پێگەیشت. سەرەخۆشی لە جەنابتان و بنەماڵە بەڕێزەکەتان دەکەین بۆ ئەم کۆستە و هاوبەشی خەمتانین.