سەرۆکایەتیی هەرێمی کوردستان، لە ڕاگەیەندراوێکدا بە توندی سەرکۆنەی ئەو تەقینەوەیەی کرد کە پاسێکی گواستنەوەی سەرنشینانی لە شاری "جەرمانا" لە وڵاتی سووریا کردە ئامانج و بەهۆیەوە ژمارەیەک هاووڵاتی بوونە قوربانی.
لە پەیامەکەی سەرۆکایەتیی هەرێمدا هاتووە: "بۆ ئەم کۆستە دڵتەزێنە، سەرۆکایەتیی هەرێمی کوردستان سەرەخۆشی و هاوخەمیی قووڵی خۆی ئاراستەی حکوومەت و گەلی کۆماری عەرەبیی سووریا و بنەماڵەی قوربانییان دەکات."
هەروەها لە ڕاگەیەندراوەکەدا جەخت لە هاوسۆزیی هەرێمی کوردستان کراوەتەوە و تێیدا هاتووە: "هاوبەشی خەمی کەسوکاری قوربانییانین و لە خوای گەورە داواکارین شیفای خێرا بۆ سەرجەم بریندارەکانی ئەم ڕووداوە بنێرێت."
