سەرۆکی هەرێمی کوردستان پرسە نامەیەکی ئاراستەی بنەماڵەی خوالێخۆشبوو جەلیل کاکەوەیس کرد

نێچیرڤان بارزانی سەرۆکی هەرێمی کوردستان پرسە نامەیەکی ئاراستەی بنەماڵەی خوالێخۆشبوو جەلیل کاکەوەیس کرد و ڕایگەیاند، جەلیل کاکەوەیس خزمەتێکی گەورەی بە وێژەی کوردی کردووە.

دەقی پرسەنامەکەی سەرۆکی هەرێم:-

بۆ کۆچی دواییی نووسەر، وەرگێڕ و چیرۆکنووسی ناوداری كوردستان خوالێخۆشبوو مامۆستا جەلیل کاکەوەیس، پرسە و سەرەخۆشیم ئاراستەی بنەماڵە و کەسوکاری بەڕێزیان و تەواوی نووسەران و ڕووناکبیرانی کوردستان دەکەم، هاوخه‌ميانم.

خوالێخۆشبوو مامۆستا جەلیل کاکەوەیس خاوەنی پێگەیەکی دیار و خزمەتێکی گەورە بوو لە بزووتنەوەی وێژه‌يى و فەرهەنگیی کوردستاندا. بە بەرهەم و وەرگێڕانە دەوڵەمەندەکانی، بەتایبەتی لە بواری چیرۆک و وێژه‌ى هاوچەرخدا، خزمه‌تێكى زۆرى پێشکەش کردووە.