سەرۆکی حکوومەتی هەرێمی کوردستان بەرەو بەغدا بەڕێکەوت و بڕیارە لە میانی سەردانەکەیدا ژمارەیەک دیدار و کۆبوونەوە ئەنجام بدات.
ئەمڕۆ شەممە 23ـی ئایار، مەسرور بارزانی، سەرۆکی حکوومەتی هەرێمی کوردستان، بە سەرۆکایەتی شاندێکی باڵای حکوومەت، بەرەو بەغدا بەڕێکەوت.
سەرۆکی حکوومەت لە بەغدا، لەگەڵ سەرۆک وەزیران و سەرۆکی ئەنجومەنی نوێنەران و سەرۆکی ئەنجومەنی باڵای دادوەری و ژمارەیەک لە بەرپرسانی باڵای لایەنە سیاسییەکانی عێراق کۆدەبێتەوە.
لە کۆبوونەوەکاندا، وێڕای گفتوگرکردن لەبارەی دوایین گۆڕانکاری و پەرەسەندنەکانی دۆخی گشتیی عێراق و ناوچەکە، چارەسەرکردنی کێشە هەڵپەسێردراوەکانی نێوان هەرێمی کوردستان و حکوومەتی فیدراڵ لە سەر بنەمای دەستوور، تاوتوێ دەکرێت.
