به ناوی خوای گه‌وره و میهره‌بان
پڕ به دڵ و له ناخی دڵمانه‌وه سوپاسی گه‌رم و بێپایانی خۆمان ئاراسته‌ی به‌ڕێز كاک سیداد بارزانی ده‌كه‌ین بۆ په‌یوه‌ندیی ته‌له‌فۆنییان و گه‌یاندنی په‌یامی پرسه و سه‌ره‌خۆشیی جه‌نابی سه‌رۆک مه‌سعود بارزانی بۆ كۆچی دوایی خوالێخۆشبوو (محه‌مه‌د شه‌هید بابه‌كر ئه‌حمه‌د عه‌لی هێرۆیی ).
هه‌روه‌ها سوپاسی به‌ڕێزان باره‌گای بارزانی، مه‌كته‌بی سیاسیی پارتی دیموكراتی كوردستان، پارت و لایه‌نه‌كان، لقی 11ی پارتی دیموكراتی كوردستان، ده‌زگای باڵای ئه‌یلول، ده‌زگای ئه‌یلولی رانیه ـ قه‌ڵادزێ، هێزی خه‌باتی پشده‌ر ـ بیتوێن، كه‌سایه‌تییانی حزبی، سیاسی، ئیداری و كۆمه‌ڵایه‌تی، خه‌ڵک و دۆستانی به ئه‌مه‌ك و خۆشه‌ویستی پشده‌ر و بیتوێن و هه‌ولێر و ده‌ڤه‌ری بارزان و ده‌ڤه‌ری بادینان و پیره‌مه‌گرون و سلێمانی و خۆشناوه‌تی و مه‌رگه، ته‌واوی هه‌ڤاڵان و دۆستان و خزمان له ناوه‌وه و ده‌ره‌وه‌ی كوردستان ده‌كه‌ین كه به‌شداریی كۆست و ئازاری كۆچی دوایی كاک محه‌مه‌دیان كرد هه‌ر له كاتی كۆچی دوایی و مه‌راسیمی به‌خاكسپاردن و رۆژانی پرسه‌ی خوالێخۆشبوو. به‌شداری و هاوخه‌می و هاوسۆزیتان، له ئازار و ناراحه‌تیی ئێمه‌یان كه‌م كرده‌وه . دووباره سوپاس بۆ هه‌موو لایه‌ک و خوای میهره‌بان پاداشتی خێری هه‌موو لایه‌ک بداته‌وه.
له‌گه‌ڵ رێزدا ..
خانه‌واده‌ی خوالێخۆشبوو محه‌مه‌د شه‌هید بابه‌كر هێرۆیی
23/6/2026
