لە سنووری قەزای بەردەڕەش بەهۆی سەرهەڵدانەوەی کێشەیەکی کۆن، تەقەکردن ڕوویدا، لە ئەنجامدا کەسێک کوژرا و کەسێکیش لەسەر ڕووداوەکە دەستگیرکراوە.
ئەمڕۆ دووشەممە 14ـی ئەیلوول، سەرچاوەيەكى ئەمنى بە سەنگەر گۆران پەیامنێری كوردستان تيڤى راگەياند: لە کۆمەڵگەی بەنێنانی سەر بە قەزای بەردەڕەش، بەهۆی سەرهەڵدانەوەی کێشەیەکی کۆن، تەقەکردن ڕوویدا و لە ئەنجامدا هاووڵاتییەک بە ناوی (هاوار سەعید ساڵح) کە پێشمەرگەيە و خێزاندارە، کوژرا.
سەرچاوەکە ئاماژەی بەوەش دا، لەسەر ڕووداوەکە، دەستبەجێ هێزەکانی ئاسایشی ناوخۆ گەیشتوونەتە شوێنى ڕووداوەكه بۆ کۆنتڕۆڵکردنی بارودۆخەکە و ڕێگری لە پەرەسەندنی ئاڵۆزییەکان، هاوكات کەسێکیش لەسەر ڕووداوەکە دەستگیرکراوە.
