Îro sêşem, 3ê Çiriya Paşîn a 2026an, Dr. Vala Ferîd, serokê fraksiyona Partiyê li Parlamenta Kurdistanê, di konferanseke çapemeniyê de daxuyaniya hejmarek parlamenteran xwend û ragihand: Em ji hemû aliyên dixwazin sibê çarşem, 4ê Çiriya Paşîn a 2026an, di saet 11:00an de li salona parlamentoyê amade bin, ji bo civîna temamkirina prosedurên civîna yekem a dewra şeşemîn a Parlamenta Kurdistanê. Wî herwiha got: "Em hêvî dikin hemû aliyek vê berpirsiyariya dîrokî ya li hember xwîna şehîdan û îradeya dengderan hilgirin û berjewendiya bilind a gelê Kurdistanê li ser hemû tiştan pêşîn bikin".
Di heman demê de, Mona Nebî Qehweçî, seroka fraksiyona Partiya Reformê ya Turkmenan, ragihand ku, wekî hestkirina berpirsiyariya neteweyî û erkê qanûnî, sibê amade dibin ku beşdarî civîna parlamentoyê bibin û bi tevahî li gel çalakkirina parlamentoyê ne.
Ji aliyê din ve, her du parlamenter Rami Nûrî Siyawêş û Dr. James Hesdo Hîdo, nûnerên Mesîhiyan li Hewlêr û Dihokê, piştrast kirin ku roja çarşemê dê di civîna Parlamenta Kurdistanê de amade bin.
Di beşeke din a konferansa çapemeniyê de, Rebîn Mihemed Hacî Mehmûd, serokê fraksiyona Partiya Sosyalîst a Demokrat a Kurdistanê, bang li parlamenterên hemû fraksiyonên cuda kir ku sibê beşdarî civînê bibin û got: "Kî ku xwe xwedîderketiyê li Herêma Kurdistanê dibîne û di hewla çalakkirina parlamentoyê de ye, dê beşdarî civînê bibe".
Herwiha, di daxuyaniyekê de Fraksiyona Berê Gel li Parlamenta Kurdistanê ragihand: Ji ber baweriya me bi rêzgirtina mafê dengderên me, fraksiyona me dê beşdarî civîna sibê ya Parlamenta Kurdistanê bibe û helwesta me zelal e: Parlament divê were çalak kirin.
