Di daxuyaniya berdevkê PDK de, ku îro duşem, 9ê Çiriya Duyem, hate weşandin, hatiye gotin: Em bi germî pêşwazî li peyama destpêşxeriyê ya îro ya Cenabê Serok Mesûd Barzanî dikin, ya ku derbarê rewşa siyasî û bi armanca derbasbûna ji qefleyên siyasî ye.
Mehmûd Mihemed tekez kir: Em li Partiya Demokrat a Kurdistanê, di ronahiya destpêxeriya Cenabê Serok de, amade ne ku ji bo çareserkirina pirsgirêkan û bidawîanîna krîza siyasî ya Herêma Kurdistanê bi birayên xwe yên Yekîtiya Niştimanî ya Kurdistanê re biaxivin û bicivin.
Di heman demê de, berdevkê PDKê amadebûna partiya xwe ji bo lidarxistina danûstandinan bi hemû aliyên din ên Herêma Kurdistanê re dubare kir û got: Em amade ne bi hemû aliyên siyasî yên din ên herêmê re bicivin, da ku em bi hev re bersivderê daxwaz û îradeya hemwelatiyên xwe bin û vê qonaxê ji bo berjewendiya gel û welatê xwe derbas bikin.
