Îro sêşem, 10ê Çirîna Paşîn a 2026an, Mesrûr Barzanî, Serokê Hikûmeta Herêma Kurdistanê, pêşwazî li Elî Babacan, serokê Partiya Demokrasî û Pêşketinê ya Tirkiyeyê, û heyetekî pê re kir.
Her du aliyan li ser girîngiya bihêzkirina têkiliyên Herêma Kurdistanê û Tirkiyeyê di warên cuda de tekez kirin. Bi taybetî di warê aborî û danûstendina bazirganiyê de; di vê çarçoveyê de, li ser girîngiya pêkanîna Projeya Rêya Pêşketinê û girêdana welatên Kendavê, Iraqê û Herêma Kurdistanê bi Tirkiyeyê û Ewropayê re, bi rêya rêya hesinî, hat amajekirin.
Her wiha her du aliyan piştgiriya xwe ji bo pêvajoya aştiyê li Tirkiyeyê dubare kirin.
Di beşeke din a axaftinan de, behsa pêvajoya ji nû ve çalak kirina Parlamentoya Kurdistanê hat kirin û bangewaza Serok Barzanî ji bo dawîanîna krîza siyasî ya Herêma Kurdistanê û avakirina hikûmeteke bingeha fireh bi nirxekî bilind hat nirxandin.
