لە پەیامەکەیدا، سەفین دزەیی پرسە و سەرەخۆشیی قووڵی خۆی ئاراستەی کەسوکاری شەهیدان و حکوومەت و گەلی میسر کردووە و ڕایگەیاندووە: "بە توندی ئەو هێرشە چەکدارییە ئیدانە دەکەین کە هێزەکانی سنوورپارێزی میسری کردە ئامانج."
بەرپرسی فەرمانگەی پەیوەندییەکانی دەرەوەی هەرێمی کوردستان هاوسۆزیی تەواوی هەرێمی کوردستانی بۆ میسر دەربڕیوە و جەختی لە پشتیوانیی هەرێم بۆ ئاسایش و سەقامگیریی ئەو وڵاتە کردووەتەوە، هەروەها هەر جۆرە هەوڵێکی ڕەتکردووەتەوە کە سەلامەتی و یەکپارچەییی خاکی میسر بخاتە مەترسییەوە.
