ئەمڕۆ یەکشەممە 22ـی تشرینی دووەمی 2026، سوپای پاسدارانی ئێران لە ڕاگەیەندراوێکدا ئاشکرایکرد: هێزەکانی بەرگریی ئاسمانیمان کەمێک پێش ئێستا فڕۆکەیەکی بێفڕۆکەوانی ئەمەریکییان لە جۆری (MQ-1) لە ڕۆژهەڵاتی گەرووی هورمز پێکاوە و خستوویانەتە خوارەوە.
لە ڕاگەیەندراوەکەدا هاتووە، ئەم فڕۆکەیە بیستەمین فڕۆکەی لەو جۆرەیە کە دەخرێتە خوارەوە، هاوکات چوارەم فڕۆکەی بێفڕۆکەوانی چاودێری و شەڕکەری سەر بە سوپای ئەمەریکایە کە لە ماوەی 24 کاتژمێری ڕابردوودا بە تەقەی سیستەمی بەرگریی ئاسمانیی ئێران تێکدەشکێنرێت.
سوپای پاسداران ئاماژەی بەوەش داوە، شارەزا ناوخۆییەکانیان توانای سیستەمە پێشکەوتووەکانی چاودێری و هەواڵگری بەکار دەهێنن و بە شێوەیەکی بەردەوام چاودێریی سەرجەم جموجۆڵەکانی هێزەکانی ئەمەریکا لە ناوچەکەدا دەکەن.







