دەستەی كەشناسی و بوومەلەرزەزانی عێراق رایگەیاند، بەرەبەیانی ئەمڕۆ هەینی دوو بوومەلەرزە لە شارۆچكەی چەمچەماڵ لە سنووری پارێزگای سلێمانی روویانداوە.
دەستەكە بڵاوی كردەوە: بوومەلەرزەی یەكەم كاتژمێر 1:27ی بەرەبەیانی ئەمڕۆ هەینی ڕوویداوە كە هێزەكەی 3.7 پلەی رێختەر بووە، بوومەلەرزەی دووەمیش كاتژمێر 3:29 ڕوویداوە و هێزەكەی 2.5 پلە بووە.
بڵاویشی كردەوە: چەقی هەردوو بوومەلەرزەكە 10 كم لە قوڵایی زەوی بووە، هەردوو بوومەلەرزەكە لە ناوچەكانی چەمچەماڵ و پیرەمەگروون و بازیان و سوورداش و تەكیەی كاكەمەند و چەند ناوچەیەكی دیكەی سنووری پارێزگای سلێمانی هەستی پێ كراوە.
