بەڕێوەبەرایەتی نەوت و كانزاكانی هەولێر دڵنیایی دەداتە هاووڵاتییان كە كەمبوونی بەرهەمهێنانی غاز لەلایەن كۆمپانیای دانا غازەوە، كاریگەری لەسەر غازی ماڵان ناكات و دابەشكردن بەسەر هاووڵاتییان بەردەوام دەبێت.
سالار محەمەد بەرپرسی پشکنین و بەدواچوونی سووتەمەنی لە بەڕێوەبەرایەتی نەوت و كانزاكانی هەولێر تایبەت بە (كوردستان تیڤی) راگەیاند: ئێمە وەك بەڕێوەبەرایەتی نەوت و كانزاكانی هەولێر غازی كۆگاكراوی پێویستمان بۆ هاووڵاتییان هەیە.
راشیگەیاند: بەهەمان سیستەمی خۆمان كە بە كارتی ئەلیكترۆنی سووتەمەنی دەبێت، غاز بەسەر هاووڵاتییان دابەش دەكەین.
سالار محەمەد هەروەها رایگەیاند: پێویست بە دڵەڕاوكێی هاووڵاتییانی شاری هەولێر ناكات، چونكە غازی پێوستمان هەیە و بەردەوام دەبین لە دابەشكردنی بەسەر هاووڵاتییان.
ئەو بەڕێوەبەرەی بەڕێوەبەرایەتی نەوت و كانزاكانی هەولێر بەهەمانشێوە داوای لە هاووڵاتییان كرد پەلە نەكەن و هەورەها لە دابینكردنی غازیش بۆ ماڵەكەنیان دوودڵ نەبن.
هەولێر / ئامانج ساڵح
