هاتوچۆی سلێمانی ئاگادارییەکی بڵاو کردەوە و داوا لەو کەسانە دەکاتە کە مووچەکانیان لە بانک و (ATM)ـەکان وەردەگرن، ئۆتۆمبێلەکانیان لە شوێنی گونجاو پارک بکەن و ئاستەنگیی هاتوچۆ بۆ شۆفێرانی دیکە دروست نەکەن.
ئەمڕۆ چوارشەممە 15ـی تەمووز، بەڕێوەبەرایەتیی هاتوچۆی سلێمانی ڕایگەیاند: وەک تێبینی کراوە بەشێک لەو کەسانەی مووچەکانیان وەردەگرن، بەشێوەیەکی نادروست و نایاسایی لە نزیک بانک و ئامێری(ATM)ـەکان ئۆتۆمبێلەکانیان پارک دەکەن، ئەمەش دەبێتە هۆی دروست بوونی ئاستەنگیی و قەرەباڵغی بۆ شەقامەکان.
لە ڕاگەیەندراوەکەدا، هاتوچۆی سلێمانی ئاگاداری هاونیشتمانیان دەکاتەوە کە لە کاتی وەرگرتنی مووچەکانیان لە بانکەکان و ئامێرەکانی (ATM)، ئۆتۆمبێلەکانیان لە شوێنی گونجاو پارک بکەن و ئاستەنگیی هاتوچۆ بۆ شۆفێرانی دیکە دروست نەکەن.
لە کۆتایی ڕاگەیەندراوەکەشدا هاتووە، بەهیوای ئەوەی هەمووان بەیەکەوە هەماهەنگی بکەن لەپێناو بەرژەوەندیی گشتی و هەستکردن بە بەرپرسیارێتیی هاوبەش بۆ ڕێکخستنی شەقامەکان.
