بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، سبەی گەرمترین ڕۆژی هەفتە دەبێت و پلەی گەرما بەرز دەبێتەوە.
ئەمڕۆ چوارشەممە 3ـی حوزەیران، بەڕێوبەرایەتیی کەشناسی و بومەلەرزەزانی هەرێم ڕایگەیاند: ئاسمان ساماڵ و پەڵە هەور دەبێت، بەڵام لە ناوچە شاخاوییە سنوورییەکان هەندێک جار دەگۆڕێت بۆ نیمچە هەور. پێشبینی دەکرێت تاوە بارانێکی کەم لە ناوچە سنوورییەکانی پارێزگای دهۆک و ئیدارە سەربەخۆکانی سۆران و زاخۆ ببارێت. پلەی گەرما بە بڕی 1 بۆ 3 پلە بەراورد بە دوێنێ بەرز دەبێتەوە.
بۆ سبەی پێنجشەممە، 4ـی حوزەیران، بە پێی پێشبینیەکانی کەشناسی ئاسمان بە گشتی ساماڵ و پەڵە هەور دەبێت. پلەی گەرما لە ئاستێکی بەرزدا دەمێننەوە و هاوشێوەی تۆمارکراوەکانی ئەمڕۆ دەبێت.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | چوارشەممە | پێنجشەممە |
| هەولێر | 36 | 37 |
| سلێمانی | 36 | 36 |
| دهۆک | 35 | 36 |
| هەڵەبجە | 37 | 37 |
| زاخۆ | 36 | 37 |
| چەمچەماڵ | 36 | 37 |
| پیرمام | 33 | 34 |
| گەرمیان | 42 | 43 |
| حاجی ئۆمەران | 25 | 26 |
