بەڕێوەبەرایەتیی گشتیی کەشناسی و بومەلەرزەزانیی حکوومەتی هەرێمی کوردستان ڕەوشی کەشوهەوای 48 کاتژمێری داهاتووی خستەڕوو و ڕایگەیاند، سبەی شەپۆلێکی بارانبارین و هەورەبرووسکە دەستپێدەکات.
ئەمڕۆ سێشەممە 20ی تشرینی یەکەم، بەڕێوەبەرایەتیی کەشناسی و بومەلەرزەزانیی هەرێم ڕایگەیاند: ئاسمانی ئەمڕۆ لە نێوان نیمچەهەور و پەڵەهەوردا دەبێت، هاوکات پلەی گەرما نزیک دەبێتەوە لە دوێنێ و لە هەندێک ناوچەش 1 بۆ 2 پلەی سیلیزی نزم دەبێتەوە.
بۆ سبەی چوارشەممە 21ی تشرینی یەکەم، بە پێی پێشبنیەکانی کەشناسی، کاریگەریی نزمەپاڵەپەستۆیەک دەگاتە ناوچەکە و سەرەتا لە ناوچە سنوورییەکان بە نمەباران و هەورەبروسکە لەناکاو دەستپێدەکات. پاشان لە کاتەکانی دوای نیوەڕۆ و ئێوارەدا بازنەی نمەبارانەکە فراوان دەبێت بۆ سنووری ئیدارەی سەربەخۆی زاخۆ، پارێزگای دهۆک، ڕۆژهەڵاتی پارێزگای هەولێر و بەشێک لە ئیدارەی سۆران.
کەشناسیی هەرێم ڕاشیگەیاند: لە کاتەکانی ئێوارەدا کاریگەریی شەپۆلەکە لەسەر سنووری پارێزگاکانی سلێمانی، هەڵەبجە و بەشێک لە ئیدارەی ڕاپەڕین زیاتر دەبێت بە بارانبارین و هەورەبروسکەی بەردەوام و چالاک.
بەرزترین پلەی گەرمای پێشبینیکراو بۆ ئەمڕۆ و سبەی بە پلەی سیلیزی:-
| شار و ناوچە جیاجیاکانی هەرێمی کوردستان | سێشەممە | چوارشەممە |
| هەولێر | 29 | 30 |
| سلێمانی | 28 | 29 |
| دهۆک | 28 | 29 |
| هەڵەبجە | 30 | 31 |
| پیرمام | 25 | 27 |
| چەمچەماڵ | 29 | 30 |
| گەرمیان | 33 | 34 |
| زاخۆ | 29 | 30 |
| ئاکرێ | 29 | 31 |
| حاجی ئۆمەران | 23 | 25 |
