سەرۆکی حکوومەتی هەرێمی کوردستان بە بۆنەی ساڵیادی دامەزراندنی یەکێتیی زانایانی ئایینیی ئیسلامیی کوردستان پەیامێکی بڵاو کردەوە و تێیدا ستایشی ڕۆڵی زانایانی ئایینی لە خزمەتکردنی ئایین و داکۆکیکردن لە پرسە نیشتمانییەکان و مافە ڕەواکانی خەڵکی کوردستان کرد.
دەقی پەیامی سەرۆکی حکوومەت:
لە ساڵیادی دامەزراندنی یەکێتیی زانایانی ئایینی ئیسلامیی کوردستان، گەرمترین پیرۆزبایی ئاراستەی سەرۆک و ئەندامانی مەکتەبی تەنفیزی و سەرجەم ئەندامانی یەکێتیی زانایان دەکەم و هیوای سەرکەوتنیان بۆ دەخوازم.
زانایانی ئایینیی ئیسلامیی کوردستان، ڕۆڵێکی گرنگ و کارایان لە خزمەتکردنی ئایینی پیرۆزی ئیسلام و داکۆکیکردن لە پرسە نیشتمانییەکان و مافە ڕەواکانی خەڵکی کوردستان هەیە کە جێگەی ڕێز و پێزانینە.
هیوادارم زانایانی ئایینیی کوردستان، بەردەوام بن لە کارکردن لەپێناو بەهێزکردنی بنەماکانی میانڕەوی و بەیەکەوەژیانی ئاشتییانەی نێوان پێکهاتە جیاوازەکانی کوردستان و بەرەنگاربوونەوەی هزری توندڕۆیی.
مەسرور بارزانی
سەرۆکی حکومەتی هەرێمی کوردستان
2026/9/21
