نێچیرڤان بارزانی، سەرۆکی هەرێمی کوردستان پيرۆزبايى لە کۆمەڵی دادگەریی کوردستان ده‌كات و جه‌خت له گرنگیی پێگەی هێز و لایەنە سیاسییەکان و پێکهاته‌كانى كوردستان بۆ چەسپاندنی لێکگەیشتن و یەکڕیزیی نیشتمانی دەكاتەوە.
دەقی پیرۆزبایی سەرۆکی هەرێمی کوردستان لە کۆمەڵی دادگەریی؛
ساڵیادی دامەزراندنی کۆمەڵی دادگەریی کوردستان، لە مامۆستا عەلی باپیر سەرۆکی کۆمەڵ، سەرکردایەتی، ئەندامان و تەواوی جه‌ماوه‌ری کۆمەڵی دادگەريی كوردستان پیرۆز دەکەم و هیوای سەرکەوتنیان بۆ دەخوازم.
لەم یادەدا، جه‌خت له گرنگیی پێگەی هێز و لایەنە سیاسییەکان و پێکهاته‌كانى كوردستان بۆ چەسپاندنی لێکگەیشتن و یەکڕیزیی نیشتمانی دەكه‌مه‌وه له‌پێناو پاراستنی بەرژەوەندییە باڵاکانی گەلەکەمان و کارکردنی پێکەوەییدا، تا بەرەو داهاتوویەکی گەشتر و سەقامگیرتر بۆ کوردستان هەنگاو بنێین.
نێچیرڤان بارزانی
سەرۆکی هەرێمی کوردستان
2026/5/31
