شارەوانیی کەلار بە مەبەستی دوورخستنەوەی مەترسییەکانی لافاو و بارانبارین، دەستی بە دروستکردنی ئاوەڕۆیەکی سندوقی بە درێژایی 150 مەتر کرد، تاوەکو هەردوو گەڕەکی کەلاری نوێ و نێرگز لە مەترسیی لافاو بپارێزێت.
ئەمڕۆ شەممە 3ـی تشرینی یەکەمی 2026، سەرۆکایەتیی شارەوانیی کەلار لە ڕاگەیەندراوێکدا بڵاوی کردەوە: لە چوارچێوەی پلانی شارەوانی بۆ دوورخستنەوەی مەترسییەکانی لافاو و باران لەسەر شاری کەلار، دەست بە دروستکردنی ئاوەڕۆیەکی سندوقی بە درێژایی 150 مەتر کرا.
لە ڕاگەیەندراوەکەدا هاتووە: ئەم ئاوەڕۆیە هۆکار دەبێت بۆ نەهێشتنی مەترسیی لافاو لەسەر هەردوو گەڕەکی (کەلاری نوێ) و گەڕەکی (نێرگز)، و لە ڕێگەی ئەو پڕۆژەیەوە تەواوی مەترسییەکان لەو دوو گەڕەکەی شارەکە دوور دەخرێنەوە.
