سەرۆك بارزانی پەیامێكی هاوخەمی لە ئەمینداری گشتیی حزبی موتەحیدون پێ گەیشت بەهۆی كۆچی دوایی عەبدولواحید ئیبراهیم شێخ عەبدولسەلام بارزانی برا گەورەی بنەماڵەی بارزانی و نەوەی ڕێبەری ئایینی و نیشتمانی شێخ عەبدولسەلام بارزانی.
ئوسامە نوجەیفی ئەمینداری گشتیی حزبی موتەحیدون لە پەیامە سەرەخۆشییەكەدا بۆ سەرۆك بارزانی نووسیویەتی: بە پەژارە و خەمێکی زۆر و هاوخەمییەکی قووڵەوە هەواڵی کۆچی دوایی عەبدولواحید بارزانی براگەورەی بنەماڵەکەتانم پێگەیشت.
ئوسامە نوجەیفی هەروەها رایگەیاندووە: لە خودای گەورە داواکارم ڕۆحی خوالێخۆشبوو بە بەهەشتی بەرین شاد بکات و سەبووری و دڵنەوایی بە بنەماڵە و کەسوکار و دۆستانی بدات.
ڕۆژی هەینی 4ـی ئەیلوولی 2026، عەبدولواحید ئیبراهیم شێخ عەبدولسەلام بارزانی، برا گەورەی بنەماڵەی بارزانی و نەوەی ڕێبەری ئایینی و نیشتمانی، شێخ عەبدولسەلام بارزانی، بەهۆی نەخۆشییەوە کۆچی دوایی کرد.
