ئێوارەی ئەمڕۆ سەرۆک مەسعوود بارزانی لە پەیوەندییەکی تەلەفۆنیدا، پرسە و سەرەخۆشیی لە خانەوانەی خوالێخۆشبوو تاڵب عەبدوڵا سەعید، ناسراو بە (تاڵب مۆریاسی) کرد و هاوخەمیی بە خانەوادە و کەسوکار و بنەماڵەکەیان گەیاند و بە پێزانینەوە ئاماژەی دا بە خەبات و ماندووبوونی خوالێخۆشبوو لەپێناو کورد و کوردستاندا.
لای خۆیانەوە خانەوادەی خوالێخۆشبوو تاڵب مۆریاسی، زۆر سوپاسی جەنابی سەرۆک بارزانییان کرد و ئەو پەیوەندی و بەسەرکردنەوەیەی جەنابیانیان بە سەبووری و دڵنەواییەکی گەورە بۆ بنەماڵەکەیان دانا.
