نێچیرڤان بارزانی سەرۆکی هەرێمی کوردستان، لە پەیامێکدا هیوای زوو چاکبوونەوە و تەندروستییەکی باش بۆ پاپای ڤاتیکان دەخوازێت.
سەرۆکی هەرێمی کوردستان لە پەیامەکەیدا لە تۆڕی ئێکس، ئاماژەی بەوە کردووە: "بە خۆشەویستییەوە یادی ئەو دیدارە دەکەمەوە کە لە مانگی ئایاری ئەمساڵدا لەگەڵ جەنابی پاپا هەمبووە"، دوای ئەنجامدانی نەشتەرگەرییەک بۆ پاپا، نێچیرڤان بارزانی هیوای چاکبوونەوەی خێرا و تەواوی بۆ دەخوازێت.
جەختی لەوەش کردووەتەوە کە پابەندبوونی پاپا بە بەهاکانی ئاشتی، کەرامەتی مرۆڤ و گفتوگۆی نێوان گەلان جێگەی ڕێز و پێزانینی قوڵی هەمووانە، هیواشی خواستووە پاپا بە تەندروستییەکی باش و هێزێکی نوێوە بەردەوام بێت لە ئەرکە پیرۆز و گرنگەکەی بۆ بڵاوکردنەوەی ئاشتی، میهرەبانی و لێکتێگەیشتن لە سەرانسەری جیهاندا.
