عەباس عێراقچی، وەزیری دەرەوەی ئێران ڕایگەیاند، کە تاران هەرگیز کوژرانی عەلی خامنەیی، ڕێبەری باڵای پێشووی وڵاتەکە لەبیر ناکات و لە بکەرانیشی خۆش نابێت.
ئەمڕۆ هەینی 26ـی حوزەیران، عەباس عێراقچی، لە هەژماری فەرمی خۆی لە تۆڕی کۆمەڵایەتی (ئێکس)، بە زمانێکی ئایینی و بە بەکارهێنانی هێماکانی شیعە ئاماژەی بە کۆچی خامنەیی کرد و ناوبراوی بە ئیمامی حوسێن (ئیمامی سێیەمی شیعەکان) چواند.
وەزیری دەرەوەی ئێران نووسیویەتی: ئیمام حوسێن گەورەی شەهیدانە (سەیدولشوهەدا)، چونکە هەموو ئەو شتانەی هەیبوو لە دەشتی کەربەلا قوربانی پێکرد، بە هەمان شێوە ئێمەش هەرگیز کوژرانی خامنەیی لەبیر ناکەین و لێخۆشبوونیشمان بۆی نابێت.
