Serokê Herêma Kurdistanê û serokê Komara Sûriyeyê civiyan û gelek mijar û babetên girîng nirxandin.
Îro Çarşem, 2026/11/11, Neçîrvan Barzanî, serokê Herêma Kurdistanê, û Ehmed el-Şera, serokê Komara Erebî ya Sûriyeyê, li kêleka Samita Avûhewayê li Antalyaya Tirkiyeyê hev dîtin.
Di civînê de, têkiliyên Sûriyeyê bi Iraq û Herêma Kurdistanê re, pêşxistin û firehkirina qadên hevkarî û hevrêziyê, bi awayekî ku berjewendiyên hevpar xizmet bike, hatin nirxandin.
Derbarê rewşa herêmê de, herdu alî girîngiya danûstandinê û çareseriyên aşitîxwaz û dîplomatîk ji bo çareserkirina pirsgirêk û tevliheviyan dîsa li ber çavan anîn.
Rewşa Kurdan li Sûriyeyê jî mijarek din a civînê bû. Di vê çarçoveyê de, Neçîrvan Barzanî li ser girîngiya parastina mafên Kurdan û ewlekirina wan di destûra Sûriyeyê de tekez kir. Herwiha hêvî xwest ku Ehmed el-Şera di demeke nêzîk de serdana Bexdayê û Hewlêrê bike.
Çend mijarên din ên hevpar ên girîng jî mijareke din a civînê bûn.
