Îro, roja yekşemê, 22ê Çirîna Paşîn a 2026an, Sepahê Pasdarên Îranê di daxuyaniyekê de ragihand: hêzên me yên parastina esmanî hinek beriya niha dronê Amerîkî yê cureya (MQ-1) li rojhilatê Tengava Hurmuzê ketandine û xistine xwarê.
Di daxuyaniyê de hatiye gotin ku ev dron drona bîstemîn a vê cureyê ye ku hatiye xwarxistin. Herwiha ew drona çaremîn a çavdêriyê û şerker a girêdayî Artêşa Amerîkayê ye ku di nav 24 saetên derbasbûyî de bi gulebarana pergala parastina esmanî ya Îranê hatiye hilweşandin.
Sepahê Pasdaran herwiha destnîşan kir ku pisporên wan êrîşkarîya pergalên pêşketî yên çavdêriyê û îstîxbaratê bi kar tînin û bi awayekî berdewam çalakiya hemû hêzên Amerîkayê li herêmê dişopînin.







