ئاژانسە هەواڵییەکان لە زاری سەرچاوەیەکی ئاگادارەوە بڵاویان کردەوە، ئێران هێشتا بڕیاری کۆتایی دەربارەی ڕەشنووسی ڕێککەوتنە چوارچێوەییەکە لەگەڵ ئەمریکا نەداوە و بابەتەکە لە ژێر هەڵسەنگاندنی ورددایە.
لەو بارەیەوە سەرچاوە ئاگادارەکە گوتی، ناوەندە باڵاکانی بڕیار لە تاران سەرقاڵی پێداچوونەوەی سەرجەم بڕگە و وردەکارییەکانی ڕێککەوتنەکەن، بۆ ئەوەی دڵنیا ببنەوە لەوەی بەرژەوەندییە نیشتمانییەکانی وڵاتەکەیان تێیدا پارێزراو دەبێت.
سەرچاوەکە ئاماژەی بەوەش دا، کە پڕۆسەی پێداچوونەوەکە بەردەوامە و تاوەکو ئێستا وەڵامی کۆتایی و فەرمی ڕادەستی لایەنی ئەمریکی نەکراوە.
