کۆمپانیای هێڵی ئاسمانیی ئیتیحادی ئیماراتی، بەهۆی ئەوەی بە ئاڵۆزییە ناوچەییەکان ناوی بردووە، بڕیاریدا سەرجەم گەشتەکانی بۆ شاری ڕیاز و لە ڕیازەوە بۆ ئەبوزەبی تا ڕۆژی دووشەممەی داهاتوو ڕابگرێت.
کۆمپانیاکە لە ڕاگەیەندراوێکدا لە ماڵپەڕی فەرمیی خۆیدا ئاماژەی بەوەش کردووە، سەرجەم گەشتەکانی نێوان ئەبوزەبی و شاری دەمام بۆ ڕۆژانی سێشەممە و چوارشەممە هەڵوەشێندراونەتەوە. هەروەها بڕیارەکە گەشتەکانی نێوان ئەبوزەبی و جددەشی گرتووەتەوە و ژمارەیەک گەشت تا ڕۆژی پێنجشەممە هەڵپەسێردراون.
