بەرپرسانی وڵاتی هیندستان ڕایانگەیاند، لە کاتی بەڕێوەچوونی مەراسیمێکی قەرەباڵغی ئایینیدا، بەهۆی دروستبوونی پاڵەپەستۆ و کەوتنە ژێر پێوە، لانیکەم 17 کەس گیانیان لەدەستداوە.
بەپێی لێدوانی بەرپرسانی فەرمیی وڵاتەکە، ڕووداوەکە بەهۆی ئامادەبوونی ژمارەیەکی یەکجار زۆری هاووڵاتییان و دروستبوونی شڵەژان بووە لە شوێنی بەڕێوەچوونی مەراسیمەکە، کە لە ئەنجامدا دەیان کەس کەوتوونەتە ژێر پێ و 17 کەسیان دەستبەجێ گیانیان لەدەستداوە، هاوکات ژمارەیەکی دیکەش بریندار بوون.
لە ئێستادا تیمە فریاگوزارییەکان گەیشتوونەتە ناوچەکە بۆ چارەسەرکردنی برینداران و لایەنە پەیوەندیدارەکانیش لێکۆڵینەوەیان لە هۆکاری دروستبوونی ئەو پاڵەپەستۆیە دەستپێکردووە.
