ئەمڕۆ یەکشەممە 23ی ئاب، لە ئەنجامی بوومەلەرزەیەک بە گوڕی 5.9 پلە باشووری پارێزگای ئیباراکی نزیک تۆکیۆی پایتەختی ژاپۆنی هەژاند، بەلایەنی کەمەوە 37 کەس برینداربوونه ئه‌وه‌ش بەگوێرەی ئاماری ئاژانسی بەڕێوەبردنی ئاگر و کارەساتەکانی ژاپۆنی.
لای خۆیه‌وه، ئاژانسی کەشناسی ژاپۆن رایگەیاندووە "بوومەلەرزەکە لە قووڵایی نێوان 68 بۆ 70 کیلۆمەتر روویداوە، جەختیشی کردووەتەوە کە هیچ مەترسییەک لە روودانی شەپۆلی تسونامی لە ئارادا نییە.
لە لایەن خۆیەوە دەستەی رووپێوی جیۆلۆجی ئەمریکی گوڕەکەی بە 5.8 پلە خەمڵاندووە.
كه‌شناسی ژاپۆن ئه‌وه‌شی خستووه‌ته‌ڕوو: بوومەلەرزەکە بووەته هۆی بڵاوکردنەوەی ئاگاداری و هۆشداری فریاگوزاری، هەروەها بووە هۆی دواکەوتنی هەندێک لە خزمەتگوزارییەکانی شەمەندەفەر لە ناوچەی تۆکیۆ و فڕۆکەخانەی ناریتا.
بریندارەکان لە 5 پارێزگا تۆمارکراون، لەنێویاندا 15 بریندار لە تۆکیۆ، و سەختترینیان ئافرەتێکی هەشتا ساڵان بووه لە یۆکۆهاما تووشی شکانی ئێسکی رانی بووه دوای ئەوەی لە کاتی هەوڵدان بۆ چوونەدەرەوە لە جێگاکەی کەوتووه‌ته خوارەوە.
ئاژانسی کەشناسی ژاپۆن هۆشداریشی داوە لە ئەگەری روودانی بوومەلەرزەی دوایی لە رۆژانی داهاتوودا و بەرزبوونەوەی مەترسییەکانی زەوی رەمێن لە ناوچە زیانلێکەوتووەکان.
