ئاژانسی هەواڵی (ئیسنا)ی ئێرانی بڵاوی کردەوە، عەباس عەراقچی وەزیری دەرەوەی ئێران و شاندی دانوستانکاری وڵاتەکەی لە شاری نیۆیۆڕک لەگەڵ وڵاتانی نێوەندگیر کۆدەبنەوە.
بەپێی ڕاپۆرتەکە، ئامانجی سەرەکی ئەم کۆبوونەوەیە تاوتوێکردنی دوایین پێشنیاز و بۆچوونەکانە لەسەر دۆخی ئێستای دانوستانەکان لەگەڵ ئەمەریکا. شاندی ئێران دەیەوێت لە ڕێگەی ئەم نێوەندگیرانەوە پەیام و پێشنیازە نوێیەکانی تاران لەبارەی چۆنیەتیی بەردەوامبوونی گفتوگۆکان بگەیەنێت.
ئاژانسەکە ئاماژەی بەوەش کردووە، کە لەم کۆبوونەوەیەدا هیچ نوێنەرێکی لایەنی ئەمریکی ئامادە نابێت و تەنیا شاندی ئێران لەگەڵ نێوەندگیرەکان کۆدەبنەوە.
