لە پارێزگای فەیووم لە وڵاتی میسر، بەهۆی پێکدادانی نێوان ئۆتۆمبێلێکی گواستنەوەی گشتی (مایکڕۆپاس) و ماتۆڕسکیلێکی سێ تایە، 12 هاووڵاتی بریندار بوون.
بەپێی وردەکارییەکانی ڕووداوەکە، دەزگا ئەمنییەکانی پارێزگای فەیووم ئاگادار کراونەتەوە کە لەسەر ڕێگای بیابانیی ڕۆژئاوای ئەسیوت و لە نزیک بازگەی ئەبو ڕووس لەو ئاراستەیەی بەرەو پارێزگای بەنی سوێف دەچێت، ڕووداوێکی پێکدادان ڕوویداوە.
تیمەکانی پۆلیس و فریاکەوتن بە خێرایی گەیشتوونەتە شوێنی ڕووداوەکە و دەرکەوتووە کە 12 کەس تووشی شکاوی و برینداری سەخت بوون، سەرجەمیان بۆ نەخۆشخانەی گشتی فەیووم گواستراونەتەوە بە مەبەستی وەرگرتنی چارەسەری پێویست.
لە ئێستادا لایەنە پەیوەندیدارەکان پەڕاوی لێکۆڵینەوەیان بۆ ڕووداوەکە کردووەتەوە و داواکاری گشتی دەستی بە ڕێکارە یاساییەکان کردووە بۆ زانینی هۆکار و ملابەساتەکانی ئەو ڕووداوە.
