سەرۆکی فەرەنسا کە سەرۆکایەتی لوتکەی گروپی حەوت دەکات لە شاری ئێڤیان لە فەرەنسا ڕۆژێک دوای ڕاگەیاندنی ڕێککەوتنی نێوان واشنتۆن و تاران، لە چاوپێکەوتنێکی تەلەفزیۆنیدا ڕایگه‌یاند، له هه‌وڵی ڕژد دانه بۆ ئه‌وه‌ی ئێران هیچ باجێک لە گەرووی هورمزدا وه‌رنه‌گرێت.
ئیمانوێڵ ماكرۆن سه‌رۆكی فه‌ره‌نسا رایگه‌یاند: لە یاداشتی په‌سه‌ندكراوی ڕێکكه‌وتنی ئه‌مه‌ریكا و ئێراندا مەرجی کردنەوەی گەرووەکە دیاری کراوە، بەڵام ئەو ڕێکخستنانەی کە دیاری کراوە تا ئێستا ڕانەگەیەندراوە.
ماکرۆن لە لێدوانێکیدا بۆ تەلەفزیۆنی TF1 گوتی: "ئێمە بەرگریی لە یاسا نێودەوڵەتییە ئاوییه‌كان دەکەین و هەموو هەوڵێک دەدەین بۆ دڵنیابوون لەوەی هیچ ڕێگەپێدانێک لە ڕێڕەوی ئاویی هورمزدا به باج و ڕسومات نه‌بێت.
ئاماژەی بەوەشکرد، "ئەگەر لێرەشدا باسی ئەم بابەتە بکەین ئەوان (ئێرانییەکان) ئەمڕۆ یاری بە وشە دەکەن و دەڵێن، ئەوە ئاڵوگۆڕیی كرێی خزمەتگوزارییە.
ماكرۆن پێشی وایه له ئێستادا ئه‌وه‌ی گرنگه لای ئه‌وان و هه‌موو جیهان ئه‌وه‌یه كه گه‌رووی هورمز بی كێشه و به ئازادی به‌ڕووی هه‌موو بارهه‌ڵگره ئاوییه‌كاندا بكرێته‌وه، هه‌روه‌ها ده‌قی ڕێككه‌وتنه‌كه وه‌كو خۆی به نیازپاكی جێبه‌جێ بكرێت.
