تیمەکانی فریاگوزاری لە نیپاڵ ئەمڕۆ شەممە تەرمی پێنج شاخەوانیان دۆزیه‌وه، کە سێ کەسیان بیانی بوون، کە ساڵی ڕابردوو بەهۆی بەفربارین لە چیای یالۆنگ ڕی له نزیک سنووری تبت بێسه‌ر و شوێن بوو بوون.
بیسواچ کارکی، بەرپرسی قەزای گوریشانکار بە ئاژانسی "فرانس پرێس"ی ڕاگەیاندووە، "پێنج تەرم دۆزرایەوە کە سێ کەسی بیانی و دوو کەسی نیپاڵی بوون، کە لە مانگی نۆڤەمبەری ڕابردووەوە بێسەروشوێن بوون".
ئاماژەی بەوەشکرد، دەسەڵاتدارانی ناوخۆ کاردەکەن بۆ وەرگرتنەوەی تەرمی ئەو دوو شاخەوانە نیپاڵییە، هەروەها شاخەوانێکی ئیتاڵی- کەنەدی و شاخەوانێکی ئەڵمانی و سێیەم شاخەوانێکی ئیتاڵی بوونه به گوێره‌ی ناسنامه‌كانیان.
لە مانگی تشرینی دووەمی 2025 دا بەفربارینی چڕ ڕێگای له شاخەوانان لە بناری چیای یالۆنگ ڕی کە بەرزییەکەی 5630 مەتر و دەکەوێتە سنووری نێوان نیپاڵ و تبت ون كرد دوای گه‌ڕانی زۆری تیمه‌كان ئه‌مرۆ دۆزرانه‌وه.
ئەو بەرپرسە خۆجێییە ئاماژەی بەوەدا تەرمەکان لەلایەن دانیشتوانی ناوچەکە و تیمەکانی فریاکەوتنەوە به وردبینییه‌كی زۆره‌وه له كاتی گه‌ڕاندا دۆزراونەتەوە.
بەرپرسی پۆلیسی ناوخۆیی مانۆج کومار لاما ڕایگەیاند، ڕۆژی هەینی هەلیکۆپتەرێک گەیشتە شوێنەکە و ئاماژەی بەوەشکرد، "تیمەکەمان بە هێلیکۆپتەر تەرمەکان وەردەگرنەوە هەر کە کەشوهەوا باشتر بوو".
