فەرماندەیی ناوەندیی ئەمریکا (CENTCOM) ڕایگەیاند کە لە ئێستادا زیاتر لە 20 کەشتیی جەنگیی هێزی دەریایی ئەمریکا لە ئاوەکانی ڕۆژهەڵاتی ناوەڕاستدا خەریکی چاودێری و دەوریەن.
ئەم جووڵەیە لە چوارچێوەی هەوڵە بەردەوامەکانی هێزەکانی سێنتکۆمدایە بۆ چەسپاندنی ئاسایش و سەقامگیریی ناوچەکە و پاراستنی ڕێڕەوە ئاوییە نێودەوڵەتییەکان.
بەپێی ڕاگەیەندراوێکی فەرمیی سێنتکۆم، مانگی ڕابردوو کەشتییە جەنگییەکان و فڕۆکە سەربازییەکانی ئەمریکا لە دەریای عەرەبدا بە شێوەیەکی ڕێکخراو و بە کۆمەڵ گەشتیان ئەنجام داوە. سێنتکۆم ئاماژەی بەوە کردووە کە ئەم نمایشە سەربازییە وەک "نیشاندانی هێز و توانای بێوێنەی سەربازیی ئەمریکا" بووە، کە ئامانج لێی ناردنی پەیامێکی ڕوونە لەبارەی توانای واشنتن بۆ بەرپەرچدانەوەی هەر جۆرە هەڕەشەیەک لە ناوچەکەدا.
جێگیرکردنی ئەم ژمارە زۆرەی کەشتییە جەنگییانە لە کاتێکدایە کە ئیدارەی ترەمپ ستراتیژیەتی "نیشاندانی هێز" پەیڕەو دەکات بۆ پاراستنی بەرژەوەندییەکانی لە ڕۆژهەڵاتی ناوەڕاست. حکوومەتی ئەمریکا جەخت دەکاتەوە کە ئاسایشی دەریاوانی و گواستنەوەی وزە لەم ناوچە هەستیارەدا بابەتێکی ستراتیژییە و ئەم هێزە دەریاییانە وەک گەرەنتییەک بۆ ڕێگریکردن لە هەر جۆرە پشێوییەک لە ئاوەکانی ناوچەکەدا دەمێننەوە
Today, more than 20 U.S. Navy warships are patrolling waters across the Middle East as CENTCOM forces continue promoting regional security and stability. Last month, U.S. naval warships and aircraft transited the Arabian Sea in close formation, demonstrating unmatched American… pic.twitter.com/gnfRIKAYJl
— U.S. Central Command (@CENTCOM) July 8, 2026
