لە کاتی دەستپێکردنی کۆبوونەوەی بەیانیانی لووتکەی گرووپی حەوت (G7) لە فەڕەنسا، دۆناڵد ترامپ، سەرۆکی ئەمریکا بە وتەیەک سەرنجی ئامادەبووانی بۆ خۆی ڕاکێشا و ڕایگەیاند: "لێرە من سەرۆکم".
ئەم قسەیەی ترامپ پێکەنینی سەرکردەکانی لێکەوتەوە و وەک دەردەکەوت، ئیمانوێل ماکرۆن، سەرۆکی فەڕەنساش بە گاڵتەجاڕییەوە پێشوازی لەو قسەیە کرد.
لە بەشێکی تری قسەکانیدا، ترامپ تیشکی خستە سەر ڕێککەوتننامەکان و هەڕەشەی توندی لە ئێران کرد. ناوبراو ڕایگەیاند، ئەگەر ئێران "بە دروستی ڕەفتار نەکات" و ئەو "بەدڵی نەبێت"، ئەوا فەرمانی دەستپێکردنەوەی بۆردومانەکان دەدات.
هاوکات لەگەڵ ئەم لێدوانانە، وەزیری دەرەوەی ڕووسیا پشتیوانی وڵاتەکەی بۆ ڕێککەوتننامە ئەتۆمییەکە دووپاتکردەوە و داوای لە ئیسرائیل کرد پابەندی ڕێککەوتنەکە بێت.
ئەم ئاڵۆزییە دیپلۆماسییانە لە کاتێکدایە کە بەیانی ئەمڕۆ، سوپای ئیسرائیل جارێکی دیکە چەند ناوچەیەکی لە باشووری لوبنان کردە ئامانج و بۆردومانی کردن.
