دۆناڵد ترەمپ، سەرۆکی ئەمریکا، مەرجێکی نوێی بۆ ئازادکردنی داراییە سڕکراوەکانی ئێران ئاشکرا کرد و ڕایگەیاند، ئەو پارانە تەنها دەبێت بۆ بەرژەوەندی ئابووری ئەمریکا خەرج بکرێن.
ترەمپ لە لێدوانێکدا ئاماژەی بەوە کرد، ئەو پارانەی کە واشنتن بڕیاری ئازادکردنیان دەدات بۆ تاران، "بە شێوەیەکی توند و تەنها" (Exclusively) بۆ کڕینی بەرهەمە کشتوکاڵییەکانی ئەمریکا بەکاردەهێنرێن.
ئەم هەنگاوەی ترەمپ وەک بەشێک لە ستراتیژی "ئەمریکا لە پلەی یەکەم" دەبینرێت، کە ئامانجی دووانەیە: لە لایەک ڕێگری دەکات لەوەی ئێران ئەو پارانە بۆ چالاکییە سەربازی و نادیارەکانی بەکاربهێنێت، لە لایەکی تریشەوە بازاڕێکی گەورە بۆ جوتیاران و کەرتی کشتوکاڵی ئەمریکا دابین دەکات.
چاودێران پێیان وایە ئەم مەرجەی ترەمپ نیشاندەری ئەوەیە کە هەر جۆرە ئاسانکارییەک بۆ تاران لە ئیدارەی نوێدا، دەبێت ڕەنگدانەوەی ڕاستەوخۆی لەسەر بوژانەوەی ئابووری ناوخۆی ئەمریکا هەبێت.
