ماڵپەڕی "ئەکسیۆس" لە زاری دۆناڵد ترەمپ، سەرۆکی ئەمریکاوە بڵاویکردەوە، کە بنیامین ناتەنیاهۆ، سەرۆکوەزیرانی ئیسرائیل داوای کۆبوونەوەی لێکردووە.
ترەمپ لە لێدوانێکدا ئاماژەی بەوە داوە، کە ناتەنیاهۆ داوای کردووە لە واشنتۆن چاویان بەیەک بکەوێت و ئەگەری هەیە ئەو کۆبوونەوەیە لە هەفتەی داهاتوو یان لە چەند ڕۆژی داهاتوودا ئەنجام بدرێت.
سەبارەت بە شێوازی پەیوەندییەکانیان، ترەمپ بە زمانێکی بڕوابەخۆوە گوتی: پەیوەندیم لەگەڵ ناتەنیاهۆ زۆر باشە و ئەو زۆر بە باشی دەزانێت کە سەرکردە کێیە.
