دوای ئەوەی سوپای ئیسرائیل کوژرانی چوار سەربازی وڵاتەكەی لە باشووری لوبنان ڕاگەیاند، وەزیری ئاسایشی نیشتمانیی ئەو وڵاتە هەڕەشەی توندی كرد و رایگەیاند "لە تۆڵەی كوژرانی ئەو چوار سەربازە دەبێت تەواوی لوبنان بسووتێت".
ئیتامار بن گڤیر وەزیری ئاسایشی نیشتمانیی ئیسرائیل رایگەیاند: لەگەڵ تەواوی ڕێزمان بۆ ئەمریکییەکان، دەبێت بە ڕوونی بە هەموو جیهان بڵێین کە ئێمە سازش لەسەر خوێنی ڕۆڵەكانمان و ئاسایشی هاووڵاتییانمان ناکەین.
راشیگەیاند: لە تۆڵەی كوژرانی ئەو چوار سەربازەی ئیسرائیل، دەبێت تەواوی لوبنان بسووتێت.
بەیانی ئەمڕۆ هەینی سوپای ئیسرائیل کوژرانی ئەفسەرێكی باڵا و سێ سەربازی وڵاتەكەی لە ئۆپەراسیۆنە سەربازییەکان لە باشووری لوبنان ڕاگەیاند.
كوژرانی ئەم چوار سەربازە ئیسرائیلییە، یەکەم زیانی گیانی ئەو وڵاتە دێت لەو کاتەوەی واشنتۆن و تاران گەیشتوونەتە لێکتێگەیشتن بۆ کۆتاییهێنان بە جەنگ لە ڕۆژهەڵاتی ناوەڕاست.
