سەرچاوە هەواڵییەکانی کەناڵی "ئەلحەدیس" ڕایانگەیاند، کە ئەمڕۆ وەزیری ناوخۆی پاکستان بە سەردانێکی فەرمی گەیشتووەتە وڵاتی ئێران.
بەپێی زانیارییەکان، بڕیارە وەزیری ناوخۆی پاکستان لەگەڵ بەرپرسانی باڵای تاران کۆببێتەوە بە مەبەستی تاوتوێکردنی چەندین مەلەفی گرنگ، کە دیارترینیان پاراستنی ئاسایشی سنوورەکان و هەماهەنگی ئەمنی نێوان هەردوو وڵاتە بۆ بەرەنگاربوونەوەی تێرۆر و گرووپە چەکدارییەکان لە ناوچە سنوورییەکان.
ئەم سەردانە لە کاتێکدایە کە هەردوو وڵاتی دراوسێ، لە ماوەی ڕابردوودا هەوڵەکانیان چڕکردووەتەوە بۆ بەهێزکردنی پەیوەندییە دیپلۆماسی و ئەمنییەکانیان و ڕێگریکردن لە هەر جۆرە گرژییەک کە کاریگەری بکاتە سەر سەقامگیری ناوچەکە. چاوەڕوان دەکرێت لە کۆبوونەوەکاندا باس لە پەرەپێدانی پەیوەندییە بازرگانییەکانی نێوان ئیسلام ئاباد و تاران بکرێت.
