حکوومەتی ژاپۆن له نوێترین ئاماریدا له‌باره‌ی ڕێژه‌ی دانیشتوان کە ئەمڕۆ چوارشەممە بڵاوکراوه‌ته‌وه، رایگه‌یاندووه، ژمارەی دانیشتوانی ژاپۆن بۆ یەکەمجار لە ماوەی 42 ساڵی رابردوودا بۆ خوار 120 ملیۆن کەس دابەزیوە، لەکاتێکدا وڵاتەکە لەگەڵ لاوازی ڕێژەی لەدایکبوون و پیربوونی دانیشتوواندا دەجەنگێت.
وه زاره تی ناوخۆی ژاپۆن ڕایگه‌یاندووه، تا 1ی 1ی 2026، ژماره ی هاووڵاتییانی ژاپۆن 119,736,483 که س بووه ، که به ڕێژه ی 0.76% که مبوونه وه له چاو ساڵی ڕابردوودا.
ژاپۆن بۆ ماوەی 17 ساڵە لەسەریەک کەمبوونەوەی ژمارەی دانیشتووانی بەخۆیەوە بینیوە، دوای ئەوەی لە ساڵی 2009دا گەیشتە لوتکە.
لە بەرامبەردا ژمارەی دانیشتوانی بیانی لە ژاپۆن گەیشتووەتە بەرزترین ئاستی خۆی لەوەتەی تۆمارکردن لە ساڵی 2013 دەستیپێکردووە، بەپێی وەزارەتەکە، بە ئەوانیشەوە، کۆی ژمارەی دانیشتوانی ژاپۆن دەگاتە ١٢٣.٧٦ ملیۆن کەس.
ژاپۆن لە ڕیزبەندی دووەمی جیهاندایە لە دوای مۆناکۆ لە ڕووی ژمارەی دانیشتووانی بەساڵاچوو و تێکڕای تەمەنی 49.9 ساڵە.
داتا فەرمییەکان کە لە سەرەتای مانگی حوزەیران بڵاوکراونەتەوە ئاماژەیان بەوە کردووە، کە ڕێژەی منداڵبوون بۆ نزمترین ئاست دابه‌زیووه کە 1.14 منداڵ بۆ هەر ژنێک لە ساڵی 2025دا، ئەمەش ئاماژەیە بۆ قەیرانی دیمۆگرافی لە چوارەم گەورەترین ئابووری جیهاندا.
ئەم ڕێژەیە کەمترین ڕێژەی لەدایکبوونه لە جیهاندا، ئەمەش کۆمەڵێک کێشە دروست دەکات، بەتایبەتی کەمیی هێزی کار، بەرزبوونەوەی بەرچاوی خەرجییەکانی ئاسایشی کۆمەڵایەتی، هەروەها دابەزینی ژمارەی ئەو کەسانەی لە تەمەنی کارکردندان و بەشداری لە پێدانی باجدا دەکەن.
ژاپۆن لە ساڵی 2025 دا 671 هەزار و 236 حاڵەتی لەدایکبوونی تۆمارکردووە، کە نزیکەی 15 هەزار حاڵەت کەمترە لە ساڵی پێشوو، کە کەمترین ژمارەیە لەو کاتەوەی لە ساڵی 1899ەوە کۆکردنەوەی زانیارییەکان دەستیپێکردووە، بەپێی ئەو ئامارانەی سنووردارکراون بۆ منداڵانی ژاپۆنی کە لە ناوخۆی وڵاتەکەدا لەدایک ده‌بن.
ماوه‌ی چه‌ند ساڵێكه به‌رپرسانی باڵای ژاپۆن هەوڵ ده‌ده‌ن هانی هاوسەرگیری و منداڵبوون بدەن لەسەر هەردوو ئاستی نیشتمانی و ناوچەیی، بە زیادکردنی یارمەتییەکانی پەروەردەکردنی منداڵ، پشتگیریکردن لە مۆڵەتی دایک و باوک و تەنانەت خستنەبازاڕی ئەپی پەیوەندی خۆشەویستیش بۆ هاندانی هاوسه‌رگیری.
