ئەمڕۆ هەینی 30ـی تشرینی یەکەمی 2026، دەزگا ئەمنییەکانی پارێزگای دیالە ئاشکرایان کرد: لە ماوەی کەمتر لە 24 کاتژمێردا لە دوای دزینی 63 سەر مەڕ لە گوندی "مەیسەلوون"ـی سەر بە قەزای قەزانییە، لە ئۆپەراسیۆنێکی تایبەتدا توانراوە تۆمەتباری سەرەکیی تاوانەکە دەستگیر بکرێت.
لە ڕاگەیەندراوەکەدا هاتووە، تۆمەتبارەکە بە مەبەستی لادانی گومانەکان لەسەر خۆی، هەوڵی دابوو مەڕە دزراوەکان بۆ ناوچەی "جەزیرە" بگوازێتەوە، بەڵام لە لایەن هێزە ئەمنییەکانەوە لە دووریی نزیکەی 50 کیلۆمەتر لە شوێنی ڕوودانی تاوانەکەوە دەستبەسەر کراوە.
دەزگا ئەمنییەکان ئاماژەیان بەوەش کردووە، لە کاتی دەستگیرکردنیدا دەست بەسەر چەکێکی ئاگریندا گیراوە کە لە لای تۆمەتبارەکە بووە، هاوکات بەپێی ماددەی (446) لە یاسای سزادانی عێراقی پەڕاوی لێکۆڵینەوەی بۆ کراوەتەوە و ڕادەستی دەسەڵاتی دادوەری کراوە تاوەکو ڕێکاری یاسایی بەرامبەر بگیرێتەبەر.
