Îro yekşem 25/10/2026, bi amadebûna hejmarek ji berpirsên bilind ên Hikûmeta Herêma Kurdistanê û balyozê Omanê li Iraqê, yekem rêwîtiya rasterast a ezmanî di navbera Balafirgeha Mesqetê ya paytexta Omanê û Balafirgeha Navneteweyî ya Hewlêrê de hate lidarxistin.
Ev rêwîtî ji aliyê rêza asmanî ya "Salam Air" (SalamAir) ya Omanê ve tê lidarxistin û li gorî bernameya amadekirî, biryar e ku her hefte du rêwîtiyên çûn û hatinê di navbera her du welatan de bêne lidarxistin.
Wezîrê Veguhestin û Ragihandinê û berpirsê Dezgeha Têkiliyên Derve, ligel serokê rêveberiya kompanyaya Salam Air, pêşwazî li rêwîtiya destpêkê kirin.
Di vê derbarê de Ehmed Hoşyar, rêveberê Balafirgeha Navneteweyî ya Hewlêrê, ragihand: "Ev pireke din a ezmanî ye ku Herêma Kurdistanê bi cîhana derve ve girê dide."
Li gorî gotina berpirsên herêmê, vekirina vê rêza asmanî destpêkeke nû ye ji bo bihêzkirina têkiliyên aborî, bazirganî û geştiyariyê yên di navbera Herêma Kurdistanê û welatên Kendavê de; di heman demê de ji bo hemwelatiyan û geştiyaran di navbera her du welatan de hêsankariyeke mezin peyda dike.
