Meteorolojî ya Herêmê: Pêlek baranbarîn û birûsk li herêmê belav dibe

Rêveberiya Giştî ya Meteorolojî û Erdhejnasî ya Hikûmeta Herêma Kurdistanê rewşa hewaya 48 saetên bê pêşkeş kir û ragihand ku pêlek baranbarîn û birûsk li herêmê belav dibe.

Îro çarşem 28ê Çirîna Yekê, Rêveberiya Meteorolojî û Erdhejnasî ya Herêmê ragihand: Ezman ji nîv-ewrî ber bi ewrîya temam ve diguhere. Di destpêkê de li beşa rojava, bi taybetî li Îdareya Serbixwe ya Zaxo û sînorê parêzgeha Dihokê, barana nerm dest pê dike; piştî nîvro herêmên çiyayî yên bilind, sînorê parêzgeha Hewlêrê û Îdareya Serbixwe ya Soranê digire û paşê jî di derengiya şevê de digihîje sînorê parêzgeha Silêmaniyê. Herwiha germa li gorî tomarkiriyên doh kêm dibe.