Berdevkê Hevpeymaniya Ereban li Yemenê ragihand ku sibehê îro 100 balafirên şer beşdarî operasyona "Fecrê Yemenê" bûne û 324 hedefên girîng hatine wêrankirin; di heman demê de ewlekariya asmanî ya Tengava Bab el-Mendebê hatiye dabînkirin.
Îro duşem 5ê Çirîna Yekem a 2026an, Lîwa Rukn Turkî el-Malikî, berdevkê fermî yê hêzên "Hevpeymaniya piştgiriyê ji rewaîtiyê re li Yemenê", di daxuyaniyekê de ragihand: sibehê îro (100) balafirên şer beşdarî operasyona "Fecrê Yemenê" bûne; di heman demê de piştgiriya asmanî ji bo hêzên çekdar ên Yemenê li erdê bi awayekî domdar û 24 saetan tê kirin.
Di daxuyaniyê de hatiye gotin: Bi destpêkirina operasyona "Fecrê Yemenê", hatiye karîn (324) hedefên girîng û bi nirx bên wêrankirin; herwiha hedefgirtina hedefên hereketbar jî berdewam e.
Berdevkê hêzên hevpeymaniyê herwiha destnîşan kir ku, di çarçoveya hewildanên wan ên leşkerî de, Hevpeymaniya Ereban parastina asmanî ya tam ji bo Tengava stratejîk a Bab el-Mendebê dabîn dike.
Ev operasyon piştî wê hat ku meha borî Hûsiyan êrîşên xwe li ser hêzên Yemenê zêdetir kirin û ber bi peravên Deryaya Sor û herêma Tengava Bab el-Mendebê ve pêşdeçûn.
Piştî çend salên aramiyê, ji meha Tîrmeha borî ve pevçûnên li Yemenê dîsa dest pê kirin; ev jî hevdem e bi hilweşîna agirbestê ku di sala 2022an de di navbera Hûsiyan û hukûmeta rewa ya Yemenê de hatibû kirin, li ser paşxaneya berfirehbûna dorhêla şerê li Rojhilata Navîn di navbera Îran û Amerîkayê de.
