Hikûmeta Herêma Kurdistanê bi tundtirîn şêwaz êrîşa terorîstî ya li ser dêrê li parêzgeha Kerakê ya Padîşahiya Urdunê şermezar kir û di heman demê de dîsa sersaxî û piştgiriya xwe ya tevahî ji serokatiyê, hikûmet û gelê Urdunê re ragihand.
Nivîsa daxuyaniya şermezarkirinê ya ji aliyê Hikûmeta Herêma Kurdistanê ve:
Hikûmeta Herêma Kurdistanê bi tundtirîn şêwaz êrîşa terorîstî ya li ser dêrê li parêzgeha (Kerak) ya Padîşahiya heval, Urdunê Haşimî, ku bû sedema ku çend welatiyên sivîl werin kuştin û birîndar bibin, şermezar dike. Di heman demê de, hikûmeta herêmê fikar û xemgîniya xwe ya kûr li hemberî vê kiryara sûcdar nîşan dide; kiryarek ku binpêkirina eşkere ya nirxên mirovahî û wan prensîban e ku azadiya îbadetê, parastina cihên olî û jiyana welatiyên sivîl misoger dikin.
Di demekê de ku Hikûmeta Herêma Kurdistanê dijberiya xwe ya qetî li hemberî hemû cureyên terorîzmê, tundûtûjiyê û tundrewiyê dîsa nû dike, herwiha tekez dike ku hedefgirtina cihên perizînê û hewildana afirandina dabeşkirin û fitneyê di nav pêkhateyên civakê de, gefeke xeternak e li ser aştiya civakî û hevjiyana olî û dê ji bilî têkbirina ewlehî û aramiyê encameke din nede.
Hikûmeta Herêma Kurdistanê piştgiriya xwe ya tevahî û hevbendiya xwe bi Padîşahiya Urdunê Haşimî re, çi serokatiya wê, çi hikûmeta wê û çi gelê wê, ragihand û sersaxî û hevderdariya xwe ya kûr ji malbat û xizmên qurbaniyan re îfade dike û ji birîndaran re saxbûneke bilez dixwaze.
Herwiha li ser girîngiya xurtkirina hevkarî û hevrêziya herêmî û navneteweyî ji bo li hemberî terorîzmê bi hemû şêweyên wê rawestan û parastina ewlehî û aramiya civakan tekez dike.
Hikûmeta Herêma Kurdistanê
23 Cotmeh 2026
