Di encama lêdana du kamyonan de li herêma Kelekê ya girêdayî navçeya Berde reş, ajokarek ji Bakurê Kurdistanê di hundirê erebeya xwe de şewitî û jiyana xwe ji dest da, di heman demê de ajokarê din jî bi giranî birîndar bû.
Senger Goran, nûçegihanê Kurdistan TV li Berde reş ragihand: Derengên şeva borî, li sînorê herêma Kelekê ya girêdayî navçeya Berde reş, qezayeke giran a trafîkê di navbera du kamyonan de qewimî, di encama lêdanê de yek ji kamyonan agir pê ket û ji ber vê yekê ajokarê wê di hundirê erebeya xwe de şewitî û jiyana xwe ji dest da, ajokarê kamyona din jî bi giranî birîndar bû.
Nûçegihanê Kurdistan TV destnîşan kir ku ew ajokarê ku erebeya wî şewitî ji Bakurê Kurdistanê ye û cenazeya wî ji aliyê karmendên navenda parastina sivîl a Kelekê û navenda polîsên Kelekê ve ji hundirê erebeyê derxistin.
Li gorî agahiyan, ji ber zêdebûn û giraniya rêjeya şewitandinê, rûyê ajokarê nayê naskirin û heta niha tenê ev tê zanîn ku kamyon hilgirê plakaya welatê Tirkiyeyê ye.
