Meteorolojiya Herêmê: Sibê pêlek baranbarîn û birûskê dest pê dike

Rêveberiya Giştî ya Meteorolojî û Erdhejnasî ya Hikûmeta Herêma Kurdistanê rewşa hewaya 48 saetên pêş de ragihand û diyar kir ku sibê pêlek baranbarîn û birûskê dest pê dike.

Îro sêşem 20ê Çirîya Yekê, Rêveberiya Meteorolojî û Erdhejnasî ya Herêmê ragihand: Ezmana îro di navbera nîv-ewr û pêl-ewrê de be, di heman demê de pileya germê nêzîkî ya dohê bibe û li hin deveran jî 1 heta 2 pile bi Celsius kêm bibe.

Ji bo sibê çarşem 21ê Çirîya Yekê, li gorî pêşbîniyên meteorolojiyê, bandora nizmepalepestoyekê digihîje herêmê û di destpêkê de li deverên sînorî bi nimbaran û birûska nişka ve dest pê dike. Paşê di demên piştî nîvro û êvarê de, qada nimbaranê berfireh dibe bo sînorê îdaraya serbixwe ya Zaxo, parêzgeha Dihokê, rojhilatê parêzgeha Hewlêrê û beşek ji îdaraya Soranê.